حوزہ نیوز ایجنسی کی رپورٹ کے مطابق، اس ملاقات میں ملک پاکستان کے استحکام اور چیلنجز کا مقابلہ کرنے لیے عزم کا اظہار کیا گیا۔
علامہ اشفاق وحیدی نے ملاقات میں کہا: حکومت کو قومی معاملات پر تمام مذہبی و سیاسی جماعتوں کو اعتماد میں لے کر فیصلہ کرنا چاہئے تاکہ ملک پاکستان کی اجتماعی طاقت قائم رہے۔
انہوں نے مزید کہا: آج ملک پاکستان دنیا میں وقار اور ایک مضبوط دفاعی طاقت سے پہچانا جاتا ہے۔ جس کا نتیجہ مضبوط قومی اور دفاعی پالیسیوں کا نتیجہ ہے۔
گورنر پنجاب سردار سلیم صاحب نے علامہ اشفاق وحیدی اور حافظ اقبال رضوی کے اتحاد و وحدت اور امن و امان کی فعالیت کو سراہا اور کہا: بین المذاہب ہم آہنگی کے پیغام کو دنیا تک پہچانے کے لیے ہر ممکن تعاون کریں گے۔
ملاقات میں دونوں رہنماؤں نے اس بات کا عزم کیا کہ شرپسند عناصر اور تفریق اور فرقہ واریت پھیلانے والوں کے ساتھ حکومت کسی قسم کی رعایت نہ کرے تاکہ ملک پاکستان میں امن قائم رہے۔
گورنر پنجاب نے ماہ رمضان کے حوالے سے کہا: حکومت تمام چھوٹے بڑے شہروں کا سرچ آپریشن کرے گی اور فل پروف سیکورٹی اولین ترجیح ہے۔
آپ کا تبصرہ